×

Dögenische Kneepe?

WI KÖRT PLATT

Düsse Frage kümmt dek doch in’n Sinn, wenn diu dek upmerksaam ümmekieken deist. Da slaht junge Bengels innen U-Bahn en olen Rentjee teohaupe, in’n Feotballstadion daschet se upenanner leos, olen Friuens klauet se dei Handdaschen an’n hellichten Dage, en Kind süppet ne ganze Pulle Wodka iut un gistern konne ek in iusen Dageblatt läsen, en twölfjährigen Bengel is in Bodenwerder mee’n Mest up ne twintigjährige Friu leos egahn, ümme öhr Handy teo stibitzen. Tja, wat schaste nu dateo seggen? Ek segge, ook wi wören in jungen Jahren keine Heiligen, aberst ek kann mek nich besinnen, dat et freuher seo brutal teo güng as huite, vor allen bie jungen Luien! Da hett mek doch vor korten mien olen plattdütschen Fründ Friedrich Kreth ut Dohnsen en Breif eschreeben un von siene Kinner- un Jugendtiet vertellt: Glieks naa’n Tweiten Weltkreige wören dei Kinner jaa lange nich seo geot dran as vandage, dei wören al freoh, wenn Mudder in’n Harvest en paar Kettel Twetschenmius koke, von’n Rande maken sek dei Kinner dateomalen Bolschen, et gaff keine anneren! Un dei beste Tiet was, wenn dei Kirschen inner Feldmark reipe wören! Na jaa, da passe denn aber de Stukenföster mee siener Schreotflinten up, dat se nich eklauet worden. Elsbeth, se was ne Dochter von’n reiken Biuern ut’n Dörpe, hett hei doch in’n Hinnersten eballert, un de Dokter harre denn sien Vergnoigen, hei mosste dei Kiugeln weer riut piuhlen. Wi anneren kreigen denn in’n Hiuse mee’n Knüppel ne Dracht naa’n olen Spräkwoort „alle für einen!“ Hinnere ösch aber nich, naa’n paar Dagen weer boben in’n Bömen teo sitten un dei seuten Kirschen teo plücken. De Föster harre sek aberst in’n Roggenfelde verstäken, snappe usen dögenischsten, trecke ne an’n Schlafittchen up’n Boomstrunk un dei Böxe stramm un verpaasse öhne ne düchtige Afreibunge. Tja, Friedrich schreiw teolesst noch, hei wöre vor liuter Angest in’n hogen Boom sitten bleeben. Sühste woll, villichte feihlt hüte düssen „Brutalos“ seo ne düchtige Dracht up’n Hinnersten, damee se sühnst feuhlt, we’n annern, de se quält hebbet, teomote was!

Wi Kört Platt

Kneepe: Streiche Mest: Messer

Harnest: Herbst

Kettel: Kessel

reipe: reif Föster: Förster

teomote: zumute




Anzeige
Weiterführende Artikel
    Anzeige
    Kontakt
    Redaktion
    Telefon: 05041 - 78932
    E-Mail: redaktion@ndz.de
    Anzeigen
    Telefon: 05041 - 78910
    Geschäftsanzeigen: Anzeigenberater
    Abo-Service
    Telefon: 05041 - 78921
    E-Mail: vertrieb@ndz.de
    Abo-Angebote: Aboshop

    Keine Zeitung bekommen? Hier zur Zustell-Reklamation.
    X
    Kontakt